| 呢幾日恆生指數大跌，荷包大傷，但都不及...... 霖心指數大跌，唉 X::::0 其實我係一個吾鍾意去稔野的人(我吾鍾意過去式，只喜歡活在現在式，和籌備短暫的將來式)，最好吾好煩，因我知自己一心煩我就燥，一燥我就咩鬼野我都做得出，好大件事，跟住會後悔！ 最近心裡很煩，有壓力...... 煩--->阿爸的健康，雖然他巳經出院，但仍需待在家中時常插住鼻喉吸氧氣，出街的時候還需要帶一個氧氣樽吸氣，都很辛苦！想他改變生活習慣，不要太大聲說話，生活節奏不要太急促，但他總是忘記。但我了解的，他用這生活方式生活了這麽多年，怎可以話改就改丫！(但總需要面對現實嘛！老豆加油呀！)
有時他呼吸困難時就會自怨自艾，說什麽趁早死，什麽退了休也沒有好日子過。聽了，心裡不好受，說真的，我怎會不明白他的感受，我也想他在晚年時無病無痛，無憂無慮，安享晚年，但現况是這樣一家人都吾想嫁！我也很想他生活開心！我知道他很想見到一樣事情發生，但我現在不能做到...... 煩--->家姐的情緒病，她最近的情况好了嗎？可以說是(好似心情輕鬆左)，又可以說不是。因她最近總括她為何那麽長時間也不能痊癒，原因可能來自姐夫(我真的好體會姐夫的無奈，所有事都要迎合家姐的要求，有時進退兩難，沒了自己，真的很辛苦！)......其實兩個人相處真是一個好高深的學問，總有意見不合的時侯，問題係要怎樣去解決呢！分開有需要嗎？他們兩人的事，我不清楚，也不能干涉，但如果真的要離婚(我是說如果，希望真的不要發生！)，我真的不能接受！還要我不要將他們的決定說給爸媽知，很大壓力>< 煩--->我與她的事........................... 天呀！我好想過簡簡單單、開開心心的生活呀！煩惱我吾去找你，點解你要來找我噃????
我知有些事情總要面對，祈盼早日雨過天晴！ 我知天色沒可能常藍，花開不能常漫﹔
但我知誰掌管明天，雖牽我手。 | |
|
| |
| 18-12-2006星期一 放工後約左女友去冬季嘉年華，$150一個人入塲費任玩，再加上40個金幣(=$200)，真係超抵！ 玩左3個鐘頭差不多玩晒全有机動遊戲，最好玩o既係(5色串燒和反轉洗衣機)<---你地自己找下啦！ 最低能、最吾好玩又最長龍o既係 {{{{{ 鬼屋 }}}}}，千祈吾好玩， 其次係3D車......... 哈哈哈哈哈哈哈哈哈哈哈哈哈哈哈哈哈哈哈哈哈哈哈哈.............跟住就勁喇，到我表演時間， 就係........燈燈燈櫈------>>>>射籃球 中左兩個特獎，一個大獎，勁呀！ 
不過拎翻屋企時就辛苦啦，仲慘過舉啞鈴>< 搭小巴士仲攪笑，兩隻大公仔霸晒兩個位，我稔司機o係倒後鏡以為係熊人和老虎搭緊車呀！
|
| |
| 唉.........真係地獄黑仔王!!!!!!!!!!
這幾日心情好down ，無晒心機！ 事關.......... 23/10/2006星期一 一返工老細就話下午要出site(一向都只是星期四下午至出)，仲要話約左個區議員2:00PM在屯門site vist，即係要1:00PM由旺角出發(12:30PM才放lunch，話有半小時食，實則15min，爭D哽死)，心想﹕揾食艱難，要做野無計啦！
1:50PM去到屯門西鐵站，惡夢就開始剌！當我行到site時，正當我想由個斜揹袋拎個相機出來時，發覺個袋口開左，仲開到好大，發覺個銀包在由西鐵站至site的途中跌左，OH MY GOD！我即刻沿路折返一路祈禱一路周圍找，最後無lu.......找吾到。之後見到個police，他點左我去差館報失，去到咪猛o甘打電話去銀行cut card，一路講電話一路亞蛇幫我登記，計一計吾見左cash $400、Anges b銀包、身份証、回鄉卡、車牌、政府的warrant card、自動增值八達通、信用卡4張、提款卡2張、幾張相...... 嘩，甘o羅o里次........連補領卡的手續費加埋大拿拿吾見左成$4000，好傷
幸好褲袋都仲有一張$50，可以夠搭車返公司和home ，返到公司亞輝都關心我有無$回家，thanks 當晚放工時，走步王約左俾番隻game碟我，他知道lost銀包，即刻拎銀包出來借$俾我，雖然我無要，但都謝謝你，好兄弟！ 之後，肥仔剛和亞草又賙濟我o里個poor guy，請左我打邊爐，好好食，thank you very much 今次件事，對我有好大反省﹕有一D好重要o既野時常都在我身邊，因為時常見住、擁有住，自以為變成必然o既，我會吾會忽略左佢呢？但當有一日佢從我身邊離開，一剎那就吾見左，找都找吾翻，我想我會後悔當初無好好對待佢、珍惜佢......... 今日，你身邊有無D重要o既人和事，你忽略左呢？事不宜遲，趕快去做你應該要做的事吧！ |
| |
| 近排好多野做，好忙，忙工作，忙比賽，忙旅行前的安排..... 好似好多自己想做o既野都無時間攪，
想剪髮
想同她/自己屋企人造節(因果段時間去左沙巴)
想整/買電腦
想買電話(W850i出左喇.....$3460水貨)
想幫她執屋
想看雅各書/羅馬書
想看戲
想........................ 忙碌........忘記..........滅亡.........好驚呀(>_<)}}} 神呀！求你吾好比我因為忙，就忘記了您！
大喜訊
Johnny(Ivy男友、天樂球員)終於在昨日27/9/2006信主啦！
我真高興，亦都替Ivy高興....
*\ ( ^ v ^ ) /*
|
| |
| 今個星期會忙到死左，要趕起晒果D己經過左due date的file先可以安心去旅行。 但都抽少少時間寫o野先。 24/9場比賽又係輸得精彩(50:54)，輸埋季軍都無得攞，得第四 不過真係好精彩，有生以來第一次看到o甘多搞鬼o野:
1)對方有個球員OWN GOAL，送左2分比我地。o下，打籃球都會 2)對方球員入波後手多扌店我地個波，被罰左兩次TECHNICAL FOUL，德德入晒又攞4分 3)亞豪last sec.射入三分追和47:47，之後要打加時，全場歡呼 4)對方竟然用6個球員VS我地5個球員，吾怪得嬴啦 5)英明教練都入波????勁呀！100%命中率！哈哈....其實只係射入一球2分o者 6)不過兩隊都好多犯規，勁多Team Foul 係咁多先............. 唉，最近同小Q多左衝突，佢話我有時對佢講o野的語氣似對小P咁，佢吾鍾意......... 我真係要重新領受過聖經箴言所教導「快快的聽，慢慢的說，慢慢的動怒」的意思，求主幫助 |
| |
